شاشة اجتماعات ذكية لشركتك — على نفس تلفزيون القاعة اللي عندك
مش محتاج تشتري شاشة تفاعلية بعشرات الآلاف ولا جهاز عرض لاسلكي لكل قاعة. TV Content بيحوّل أي تلفزيون في غرفة الاجتماعات لشاشة اجتماعات كاملة: الفريق يعرض من اللابتوب أو الجوال بكود من 6 أرقام، يشرح على سبورة رقمية، ويرسم فوق شاشته — والشاشة ترجع تعرض محتوى الشركة لوحدها بعد الاجتماع.
شوف الاجتماعات شغالة
تسجيل حقيقي من شاشة اجتماعات TV Content: كود على الشاشة، وأكتر من لابتوب بيعرض في نفس الوقت.
إزاي تشتغل شاشة الاجتماعات في شركتك؟
- ابدأ الاجتماع من لوحة التحكم بضغطة «اجتماع» جنب شاشة القاعة — الشاشة تعرض tvscreenhub.com/join وكود من 6 أرقام وكود QR.
- كل واحد في الاجتماع يفتح العنوان من اللابتوب ويكتب الكود — مفيش لينك طويل ولا تصوير QR بكاميرا اللابتوب.
- يختار يعرض إيه: شاشته كلها، نافذة، تاب، أو صبورة الشرح — ومن الجوال: الكاميرا أو الصبورة بالصباع.
- الشاشة تتقسم لوحدها حسب عدد اللي بيعرضوا (لحد 4)، واسم كل واحد تحت شاشته.
- بالريموت تقدر تخرج أي جهاز من الشاشة أو تنهي الاجتماع كله — والشاشة ترجع لمحتواها تلقائياً.
كل اللي غرفة الاجتماعات محتاجاه في شاشة واحدة
كود بسيط بدل اللينكات
العنوان القصير tvscreenhub.com/join وكود من 6 أرقام يتكتب في ثواني — مناسب لاجتماعات الفريق اليومية.
لحد 4 أجهزة في نفس اللحظة
قارن أرقام المبيعات والتسويق والعمليات جنب بعض على نفس الشاشة بدل ما تبدلوا الكابل كل شوية.
صبورة شرح رقمية
قلم وهايلايتر ومؤشر ليزر وأشكال وأسهم ونص عربي، صفحات متعددة، تراجع وإعادة، وحفظ الصبورة كصورة بعد الاجتماع.
ارسم على شاشتك وهي معروضة
علّم على التقرير أو العرض التقديمي لايف والكل شايف التعليم على شاشة القاعة.
من الجوال كمان
اعرض كاميرا الجوال (ورقة، منتج، سبورة حقيقية) أو اشرح على الصبورة بصباعك — من المتصفح من غير تطبيق.
تحكم من ريموت التلفزيون
اضغط OK في الريموت: أخرج جهاز معيّن من الشاشة أو أنهِ الاجتماع بالكامل بعد تأكيد.
صلاحيات لكل حساب
الأدمن يفعّل الاجتماعات لكل حساب أو مشرف، وكل واحد يشوف زرار الاجتماع على شاشاته بس.
نفس الشاشة طول اليوم
خارج الاجتماعات الشاشة بتعرض أخبار الشركة ولوحات المؤشرات والإعلانات الداخلية من قائمة التشغيل.
شاشة تفاعلية ولا جهاز عرض لاسلكي ولا TV Content؟
| شاشة تفاعلية (Smart Board) | جهاز عرض لاسلكي | TV Content | |
|---|---|---|---|
| التكلفة | شاشة جديدة لكل قاعة | جهاز لكل قاعة + أزرار | على التلفزيون الموجود |
| كام جهاز يعرض مع بعض؟ | غالباً واحد | حسب الموديل | لحد 4 |
| سبورة ورسم | نعم باللمس | غالباً لا | نعم — من اللابتوب أو الجوال |
| من شبكة تانية أو بيانات الجوال | لا | غالباً لا | نعم |
| الشاشة بعد الاجتماع | شاشة انتظار | شاشة انتظار | ترجع تعرض محتوى الشركة |
مناسبة لأنهي اجتماعات؟
اجتماعات الفريق اليومية والأسبوعية
كل قسم يعرض أرقامه في دقيقة من غير ما يدوّر على كابل أو وصلة.
اجتماعات الإدارة ومراجعة الأداء
اعرض لوحات المؤشرات من أكتر من جهاز جنب بعض، وعلّم على الأرقام المهمة لايف.
التدريب الداخلي والتعريف بالموظفين الجدد
المدرّب يشرح على الصبورة، والمتدربين يعرضوا شغلهم من أجهزتهم.
العصف الذهني والتخطيط
صبورة بصفحات متعددة تتحفظ صورة في آخر الجلسة وتتبعت للفريق.
الفروع والمكاتب المتعددة
فعّل الاجتماعات على شاشات كل فرع من لوحة تحكم واحدة، وكل مشرف يدير شاشات منطقته.
أسئلة شائعة عن شاشة الاجتماعات
هل محتاج أشتري شاشة تفاعلية أو جهاز جديد؟
لا. TV Content بيشتغل على التلفزيون الموجود في القاعة، متوصل بجهاز Android TV أو بكمبيوتر صغير أو بتطبيق TV Content من Google Play.
الموظفين هيدخلوا الاجتماع إزاي؟
يفتحوا tvscreenhub.com/join من المتصفح ويكتبوا الكود المكوّن من 6 أرقام اللي ظاهر على الشاشة. ممكن كمان تبعتلهم اللينك الكامل على واتساب.
كام واحد يقدر يعرض في نفس الوقت؟
لحد 4 أجهزة مع بعض، والشاشة بتتقسم لوحدها حسب العدد.
فيه سبورة للشرح؟
أيوه، صبورة رقمية فيها قلم وهايلايتر وليزر وأشكال ونص عربي وصفحات، وكمان تقدر ترسم فوق شاشتك وهي معروضة.
ينفع أعرض من الجوال؟
من متصفح الجوال تقدر تعرض الكاميرا أو تشرح على الصبورة بصباعك. عرض شاشة الجوال نفسها بكل تطبيقاتها هيكون من تطبيق أندرويد خاص قريباً.
مين يقدر يبدأ الاجتماع؟
الأدمن، وأي حساب أو مشرف الأدمن فعّل له الاجتماعات — وكل واحد على الشاشات اللي تحت إدارته بس.
الصوت بيطلع على الشاشة؟
الاجتماعات بتنقل الصورة فقط من غير صوت، وده مناسب لعرض التقارير والبرزنتيشن داخل القاعة.
حوّل غرفة الاجتماعات لشاشة ذكية النهارده
بنفعّل الاجتماعات على الشاشات اللي تختارها، وتقدر تجرّب المنصة مجاناً.
تواصل واتساب جرّب TV Content مجاناًاقرأ كمان: العرض اللاسلكي لقاعات الاجتماعات · شاشة عرض للعملاء والزوار · شاشة عرض تشتغل بدون إنترنت · إدارة محتوى الشاشات عن بعد